હેમાંગ નાયક છે હજી...!!!

ગુર્જરી   ગઝલોને  એક  તક   છે  હજી,
છો 'મરીઝ' ના  હોય, 'રોચક' છે હજી. -'ઈશ'

ગામ   આખું    છો   વગોવે  'ઈશ'  ને,
એના પણ  બે-ચાર  ભાવક  છે   હજી.-'ઈશ'

એકદમ   સીધો  'સરળ'   દેખાય  છો,
એની  ગઝલો  ખૂબ  માદક   છે   હજી.-'ઈશ'

જેમ  ચાતક  તરસે  જળની  બુંદ  બુંદ,
એમ 'રોચક' 'ઇશ'નો ચાહક  છે  હજી.-'રોચક'

શ્વાસની  એ  આવજા  પર  છો  ન  હો,
'ભાવ'નો  'સાહેબ'  પર  હક  છે  હજી.-'રોચક'

ધ્રુવ  તારો  છે  ઉપર   એક   આભમાં,
એક  નીચે  'સ્નેહી'   નામક   છે   હજી.-'રોચક'

કોઇ    વાતે    કોઇ     મુંઝાશો     નહીં,
જીવતો   'હેમાંગ'  નાયક    છે    હજી.-'હેમાંગ'

'ઇશ'ની  મરજી  મુજબ  લેવા   છતાં,
શ્વાસ    લેવાં    દાહદાયક    છે    હજી.-'હેમાંગ'

તું   મળી  'વેદાંત'  ને   કર   ખાતરી,
એ ગઝલનો યોગ્ય ભાવક  છે  હજી.-'હેમાંગ '

આજ  ગજવું   ખાલી  છે  'સાહેબ'  નું,
નૈ   નફો,  નૈ   ખોટ,   માફક   છે   હજી.-'સહજ'

ઝાલશે     સૂરજને   'કુંજન'    જીદમાં,
કેમકે   દિલથી   એ   બાળક   છે   હજી.-'કુંજન'

ખંડમાં   તો   શૂન્યતા   ભરચક   હતી,
તે   છતાં  'ઇશ' આવશે, તક  છે  હજી.'-કુંજન'

છે   હજી શ વિશ્વાસ  'કુંજન'   જીવતો,
એટલે   પત્થરના    પૂજક    છે    હજી.-'કુંજન'

છો  બધા  'સાહેબ'  કહી   ને   સાદ   દે,
પણ પ્રણયનો  તે તો  યાચક  છે  હજી.-'સાહેબ'

'ઈશ'  નું   હોવું   અમે    માની    લિધું,
આપને  કોઈ  જાત  નો  શક  છે   હજી ?-'સાહેબ'

છંદમાં  શબ્દો  ના   ગોઠવશો   અલા,
'સ્નેહી' છૂપેલો    વિવેચક    છે    હજી.-'સાહેબ'

'ભાવ' આ જીવન નો નક્કી નૈ  થતો,
મૌત  સાથે  એ  જ   રકજક   છે   હજી.-'સાહેબ'

આધુનિક  યુગની  હવા  ચાલી   છતાં,
'દૈવ' દાનવના   ય  થાનક   છે   હજી.-'દૈવ'

ગઝલો આ 'સાહેબ'ની ડોલાવે  મન,
ને 'અડગ'  તેથી  જ  ભાવક  છે  હજી.-'અડગ'

હોય છે "ઈશ"ની ગઝલ  ઉંચી  ઘણી,
કે  'અડગ' તેથી  જ  સાધક  છે   હજી.-'અડગ'

નૈ   પડે   બીમાર   ગઝલોના   ગ્રુપો,
જેનો 'રોચક'  જેવો  ચાલક  છે  હજી.-'અડગ'

રાહમાં   બેઠો   બે  બુંદોની  'પ્રશાંત',
પ્રેમ  વર્ષાનો   એ  ચાતક   છે   હજી.-'પ્રશાંત'

સાવ  હળવે   આંગળી   અડકાડ  તું,
'ઈશ'  ગોવર્ધન  ધરે, તક  છે   હજી.-'મીરા'

ઝેર  તો  'સ્નેહી'   હવે  સહેવા  રહ્યા,
વિશ્વમાં  શંકર  વિષે  શક    છે   હજી.-'મીરા'

કારણો  'સાહેબ'   ક્યાંથી   શોધવા,
ધર્મ  નામે   રોજ   રકઝક   છે   હજી.-'મીરા'

છે  ખબર  ધાર્યું  ધણીનું   થાય   છે,
તોય  ચિંતા  કેમ ? 'નાહક' છે  હજી .!-'મીરા'

'ઈશ'ની   દુકાનથી   છુટા    પડયા,
એ છતાં 'નાજુક'ની આવક છે હજી.-'નાજુક'

'યોગ'સપના આંખથી  સરકી  જશે;
પાંપણોની   ખુલ્લી   ફાટક   છે   હજી.-'યોગ'

આજ તો 'વેદાંત'પણ શાયર બન્યો,
એ  જ  વાતે  સૌ  અવાચક   છે   હજી.-'વેદાંત'

આમ તો આઘે  એ 'મેહુલ'  આંખથી,
પણ  કલમ પર એનું  ત્રાટક  છે  હજી !-'મેહુલ'

'ઈશ'તેં દોલત દીધી નખશિખ ઘણી,
તોય  માનવ   કેમ  યાચક   છે   હજી ?-'મેહુલ'

કોણ  ક્હે  છે  કે 'સરળ'  જુનો   થયો,
ધ્યાન  થી  તું  જો  ચકાચક  છે  હજી.-'ભાવ'

'ભાવ' ને  પૂછો  તો  કહેશે  કે જગત,
પાત્ર  બદલાયા  ને  નાટક  છે  હજી.-'ભાવ'

સ્પર્શ તારો ક્યાં હતો  સ્હેજે  'સરળ',
આંગળી  આથીજ   દાહક   છે   હજી.-'ભાવ'

છંદની  આ  વાતો  લાગે  બહુ  જુદી,
ભીતરે 'સોહમ' ની  ચાનક  છે  હજી.-'સોહમ'

'જય' તમારા કાવ્યનું  અર્જૂન પણું,
તીર   માફક   લક્ષ્યવેધક   છે   હજી.-'જય'

છે 'અડગ''હેમાંગ''રોચક'ને 'સહજ',
આ ગઝલ દરબાર  ભરચક છે  હજી.-'સરળ'

-મેહુલ પટેલ'ઇશ'
-અશોક વાવડીયા'રોચક'
-હેમાંગ નાયક'હેમાંગ'
-વિપુલ પંડ્યા'સહજ'
-રીનલ પટેલ' કુંજન'
-ટેરેન્સ જાની'સાહેબ'
-મહાદેવ પ્રજાપતિ'દૈવ'
- પાર્થ પ્રજાપતિ 'અડગ'
-પ્રશાંત સોમાણી'પ્રશાંત'
- સ્મિતા શાહ'મીરા'
-પ્રશાંત મેર'નાજુક'
-યોગેન્દુ જોષી'યોગ'
-વિપુલ માંગરોળીયા'વેદાંત'
- મેહુલ ભટ્ટ 'મેહુલ'
-ભાવિન ગોપાણી 'ભાવ'
- રાકેશ સૈદાને ' સોહમ '
- જય દાવડા 'જય'
-રાહુલ શાહ'સરળ'

            આવું પણ બને
હોય વરસાદ ને તું  ભીંજાય પણ નાં,
વરસતા વાદળ,તને છળે,આવું પણ બને,
-
છંદ,લય,શબ્દોની ફાજલ વ્યાખ્યા  આપમાં,
મારો કો'રો કટ કાગળ,તને છળે,આવું પણ બને,
-
સખી ખૂલ્લા દ્રાર પર,આ ટકોરા વળી શાને!
બંધ ઓરડાની સાંકળ,તને છળે,આવું પણ બને,
-
મસ્તી માં છે ફૂલો બધા,ગઝારા માટે તું ચુંટમાં,
આ ફૂલોપરની ઝાકળ,તને છળે,આવું પણ બને,
-
તારા પગલા ને તું ભૂસતી જા,N\EL K[ VF ZFC4
કેળિઓ બધી ચંચલ,તને છળે,આવું પણ બને,
-
નઝરમાં કોઈની તું આવમાં,છોડી'દે તકાજા પ્રેમનાં,
કારણ કોઈ અકળ,તને છળે,આવું પણ બને,
-
"સહજ" વાત પાછળ વતેસર પણ નીકળે ખરું,
હાં, પછી પળે  પળ,તને છળે,આવું પણ બને,
..........................વિપુલ પંડ્યા "સહજ"
.........................બગસરા જી,અમરેલી

          કાજળમાં લખું............ 
 કવિતા એમ રોજ, હું કાગળમાં લખું.
પૂછ્યા વગર રૂપ તારું,એ પળમાં લખું.
            કલમ,કાગળ,શ્યાહી,આં શબ્દોની સવારી,
            નામ તારું મારી ગઝલનાં આંગણમાં લખું.
તું જોઈ ના શકે તને, કે હું મને એ ઘડી,
ચિત્રનું વિસ્લેક્ષણ કો'રા કાગળમાં લખું.
           ચાતકની આતુરતાનો અંત લાવવા,
           આં ચોમાસું હરરોજ વાદળમાં લખું.
હલેસાને હોળીઓનો સાથ લઇ થાકી જવાયું,
માછલીઓની સંગાથે વહેતા જળમાં લખું.
         "સહજ" આમ તારા હ્દયમાં જગા મળી જાયે તો,
          પ્રતિક ગઝલ તારા આંખોના કાજળમાં લખું.
                       
                                   વિપુલ પંડ્યા "સહજ"
                                   બગસરા ડી.અમરેલી

 

        મારા હાથમાંથી..............
મારા હાથમાંથી હાથ તારા છૂટી ગયા.
જાણે બાગમાંથી પુષ્પ કોઈ ચુંટી ગયા.
            તારો સંગ રયો મારે મન નિજાનંદ,
            ખુદા બંદગી માટે કેમ શબ્દો ખૂટી ગયા.
ક્યાં કશું તારા વગર નભ કે ધરા પર,
તોય લુંટવા વાળા સઘળું લૂટી ગયા.
            વિષ એકલતાનું આરોગ્યાકરું બસ,
           જ્યારથી આ ભાગ્ય મારા ફૂટી ગયા.
સુખ દુઃખ ના સરવાળા ના હોય સાહેબ !
ઘૂંટનાર તો સૌ,આં એકડો ઘૂટી ગયા.
            "સહજ"નિજ ચહેરાને શોંધવો પણ કેમ ?
             વર્ષો થયા સઘળા દર્પણ તૂટી ગયા.
........................વિપુલ પંડ્યા "સહજ"
........................બગસરા ડી.અમરેલી

         યાદ આવે છે.......
ક્ષણે ક્ષણ જયારે ઝખમ યાદ આવે છે.
એ ઘડી ખૂબ જ  સનમ યાદ આવે છે.
            કહેવાની વાત દિલની દિલમાં રહી ગઈ,
            છે હક્કિકત,હરદમ,ગમ યાદ આવે છે.
સાચેજ પ્રેમમાં પડ્યા પછી,આશા હોય સતત,
મને તો હરરોજ,મરહમ યાદ આવે છે.
             મારે કહેવાય નહિ,એ વાત વચન બધ્ધ છે,
             એમણે થોપેલી,એ કસમ યાદ આવે છે.
 પ્રેમનાં વ્યવહાર થવાના ખોંફથીજ,
 તોંબા,ખુદના કરમ યાદ આવે છે.
.............વિપુલ પંડ્યા "સહજ"
..............બગસરા ડી.અમરેલી

  

નાં,કોઈને શરણ  મળે છે અહીં.

નાં,કોઈને મરણ મળે છે અહીં.

       જીવતર જીવાય છે,જીવવાના કાજે,

       નાં,કોઈને કારણ મળે છે અહીં.

તરસ્યા બેઠા છે સૌ નદી ને કાંઠે,

તોય નાં ઝરણ મળે છે અહીં.

       આ હરણ ને ઝંઝાવાની પ્યાસ માં -

          -સાવ સુકું રણ મળે છે અહીં.

દુઆમાં,ભક્તિ,આરાધના,સર્દ્ધા છે ઘણી,

ખુદા,બંદગીની એક  ક્ષણ મળે છે અહીં.

       ગઝલ પૂરી થવા નીકળી પડી લો,

       સબ્દોમાં આં"સહજ"પણ મળે છે અહીં.

                        વિપુલ પંડ્યા 'સહજ"

                  બગસરા ડી.અમરેલી