અસર થઇ જાય છે..........
કોઇથી નઝર મળે તો,કેવી અસર થઇ જાય છે .
જયારે અમને મારી સ્હેજ, ખબર થઇ જાય છે.
        મનની-રૂહ સુધી પહોંચી વળે અચાનક.
       એક પળ માં હદય જાણે,તબતર થઇ જાય છે.
પ્રેમમાં ન્યોછાવર  થાય,સર્વસ્વ જેમનું,
કોઈની લાગણીની એમ કદર થઇ જાય છે.
       દલડું મારું આપથી, હવે  દલડું નથી રહ્યું.!
       આપની યાદોનું આ ઘર થઇ જાય છે.
બની જાય આપણે, પ્રેમ ના પૂજારી તો,
પથ્થર પણ અહી, ઈશ્વર થઇ જાય છે.
       "સહજ" આ વાત મહેંકે જો એમના સુધી,
       જાણે સ્વપ્ન આખુંય, પરણેતર થઇ જાય છે.
                             વિપુલ પંડ્યા "સહજ"
                             બગસરા ડી.અમરેલી